ગઝલ
સ્પર્શ છે ચિક્કાર મારા હાથમાં,
પ્રેમનો છે સ્વીકાર મારા હાથમાં.
કેટલાં સ્પંદનો અહીં પડઘાય છે,
સળવળે છે પ્યાર મારા હાથમાં.
પ્રારંભ ભલે રહ્યો અંધકારમય,
સૂર્યનો છે પડકાર મારા હાથમાં.
જિંદગી તો શબ્દે પાડેલો સાદ છે .
છે કલમના તોખાર મારા હાથમાં.
ગોતવા એક એક ડગલે આવું તને,
અનહદનો વિસ્તાર મારા હાથમાં.
ગણતરીના ગર્ભમાંથી 'હું' જન્મે,
સઘળો છે વેપાર મારા હાથમાં.
મેં હજી માગણી પૂરી કરી નથી,
છે સમયનો સત્કાર મારા હાથમાં.
***
-'કાન્ત'
સ્પર્શ છે ચિક્કાર મારા હાથમાં,
પ્રેમનો છે સ્વીકાર મારા હાથમાં.
કેટલાં સ્પંદનો અહીં પડઘાય છે,
સળવળે છે પ્યાર મારા હાથમાં.
પ્રારંભ ભલે રહ્યો અંધકારમય,
સૂર્યનો છે પડકાર મારા હાથમાં.
જિંદગી તો શબ્દે પાડેલો સાદ છે .
છે કલમના તોખાર મારા હાથમાં.
ગોતવા એક એક ડગલે આવું તને,
અનહદનો વિસ્તાર મારા હાથમાં.
ગણતરીના ગર્ભમાંથી 'હું' જન્મે,
સઘળો છે વેપાર મારા હાથમાં.
મેં હજી માગણી પૂરી કરી નથી,
છે સમયનો સત્કાર મારા હાથમાં.
***
-'કાન્ત'
No comments:
Post a Comment