તિરંગો
કેવો નભમાં લહેરાય તિરંગો,
સ્વાતંત્ર્ય દિને હરખાય તિરંગો !
ત્રણ રંગનો રાષ્ટ્ર ધનુષ આ ,
અશોક ચક્ર થી સોહાય તિરંગો !
શહીદ ભગતસિંહની કુરબાની,
આજે પણ વળ ખાય તિરંગો !
મહાત્મા મોહનનો છે વિશ્વાસ,
દેશદશા જોઈ તરડાય તિરંગો !
જય જવાન જય કિસાન શબ્દે,
પળ પળ આ પડઘાય તિરંગો !
સંસદના નિર્લજ શોરબકોરથી,
માથું નીચે , શરમાય તિરંગો !
આઝાદીના અડસઠમાં વરસે,
'કાન્ત'ને ઉન્નત દેખાય તિરંગો !
***
-'કાન્ત'
No comments:
Post a Comment