સફેદ રણ !

વીંધે છે હૈયું ,સન્નાટો   સફેદ રણમાં,
ખોવાયું છે રાતનું છૈયું સફેદ રણમાં !

ટમટમતા તારલિયા મલકે મુલકના,
ભણકારા  સંભળાતા  અહીં અલખના !
છવાયું  છે  રાષ્ટ્રગાન   સફેદ  રણમાં !

સૂર્યોદય  ને સુર્યાસ્ત  રમણીય  લાગે, 
ઉદય-અસ્તના   રંગો   પોતાને  તાગે !
થયું  માતૃભૂમિને  નમન સફેદ રણમાં !

ગિફ્ટ પેકમાં પેક,  લાગણીઓ  આપે,
આમ   હોય કે  ખાસ બધાને  એ માપે !
ઓગળ્યું  સઘળું ગુમાન સફેદ રણમાં !

ખારા  પાટ નમકનો  અદભુત  નજારો,
નવી આશા  ના ખુલી  જતા અહીં દ્વારો !
હૈયું નરેન્દ્રભાઈનું  હરખે   સફેદ રણમાં !
                          ***
-'કાન્ત'