ગીત 

સખી, આ ટાઢને ક્યમ કરી કાઢું?
આવી છે મૂઈ વગર નોંતરે,
માથું એનું ક્યમ કરી વાઢું ?
ટાઢોળું અહીંથી ને ટાઢોળું તહીંથી,
હેમની વીંજતો પાંખ્યું.
આભ નીચે છે  મારો ઊતારો,
મારાં અંગ ક્યમ કરી ઢાંકું  ?
એકલી આવે તો સરભરાય કરું,
લાવી છે સાથે છૈયાં ને છોરાં.
ગરમી ને મૂવા ખાઈ જાય ફટાફટ,
કોઈ ન થાય એને  ઓરા !
જાઉં તડકામાં તો એ પણ ધ્રૂજે,
નસીબ જ થયું મારું વાંકું  !
મેલી શાહુકાર,મેલી મોટા બંગલા,
પણે સૂતા છે જે મોજથી હીટરમાં !
શુંયે બળ્યું દીઠું મુજમાં,
કે મને પકડી લીધી એણે મીટરમાં !
ફટ ભૂંડી....!!! હું થરથરી મરું ને,
જોઈને  હસે  તું આડું !
બેઈ !આ ટાઢને ક્યમ કરી કાઢું ???
                     *** 
-'કાન્ત'