ગીત 

ખેતર  વાડી  ખૂંદીએ રઘુવીર !
પછી  આંખો   મૂંદીએ રઘુવીર !

તું શબ્દોનું ચમકતું  અજવાળું,
સૌન્દર્ય તારા સર્જનમાં   ભાળું.
મૂલ્યો   માટે  ઝૂઝીયે  રઘુવીર ! 
                                 0ખેતર  
ચાલો   દઈએ   કવિતાને   ખો,
નિબંધ,નાટક,વક્તા રમશે તો.
ભાષાને હવે મૂલવીએ રઘુવીર !
                                 0ખેતર 
ગ્રામ્ય-નગર જીવનમાં વસતો,
નિંદા હો  કે સ્તુતિ   સદા હસતો.
નવા દરવાજા ખોલીએ રઘુવીર !
                                  0ખેતર 
તુજમાં વસે વિવેચક, સંપાદક,
કૃષિ   જીવનનો   તું  છે  વાહક.
સરળ ભાષા બોલીએ  રઘુવીર !
                                  0ખેતર 
જ્ઞાનપીઠ પણ  આજે  હરખાયે,
તારું  ભોળું  સ્મિત શેં  શરમાયે ?
સર્જન-સર્જકને જોડીએરઘુવીર !
                                   0ખેતર 
                     ***
-'કાન્ત'