ગઝલ 

અલખનો  નાદ અહીં  જગાવું  મેકરણ,
મોહ,માયા ,મત્સર ને ભગાવું  મેકરણ !

લાલિયા- મોતિયાના  ઘૂંટાતા શ્વાસની ,
સફેદ  રણમાં  ધૂણી   ધખાવું   મેકરણ !

છલક -છલક  છલકાવું પ્રેમની ગાગર,
તંબૂર પર જી નામને પ્રગટાવું મેકરણ !

નીરખું  મારા  નાથને અનિમેષ નજરે,
ઘૂંઘટના  સઘળા પટ  હટાવું  મેકરણ !

મને  લઈ  જાય  સામે પાર  ઉતારવા,
કેવટ  જેવા  નાવિકને મનાવું મેકરણ !

સાતમાં   કોઠાના  યુદ્ધમાં  કાબેલ   છું ,
મનમાં સ્થિર રિપુઓને હરાવું મેકરણ !

મારી  ગઝલમાં  હું પ્રગટાવું  અનોખું,
કલમને   શબ્દ  યાત્રા કરાવું મેકરણ !
                         ***
-'કાન્ત'