ગઝલ
લડી શકું મુસીબતો સામે એવો હુંકાર દે !
નથી તરવું કિનારે દે ,તું મને મઝધાર દે !
તારો જ અંશ છું હું, હે જગતના ત્રાતા ,
કસોટી કર પૂરેપૂરી, દુઃખ અનરાધાર દે !
હિમ્મત નહીં હારું ,સારથી છે તું જીવનનો,
સંકલ્પ બળ ને ,રણમાં ધનુષનો ટંકાર દે !
ન જોઈએ આકાશ,ધરતીનું કિસ્મત આપ,
ધરા ધારણ કરે જેને એ બધો વિસ્તાર દે !
ખાવું,પીવું ને ઊંઘવું ,નથી ફિતરત મારી,
કદમ -કદમ પર કસોટી અને પડકાર દે !
ન તૂ ટું ,ન ફૂટું , સ્વીકારું તારી જ મરજી,
'કાન્ત' ને દે, તારા ચરણનો અધિકાર દે !
***
-'કાન્ત'
No comments:
Post a Comment