ગઝલ 
(તરહી ગઝલ છે .જેનો  પહેલો  શેર  ઉદયન  ઠકકર નો  છે.) 

ગાલગાગા ,ગાલગાગા,ગાલગાગા ,ગાલગા 

રોજ   સાંજે   પંખીઓના   મોરચા  મંડાય   છે,
વૃક્ષની  માલિકી  બાબત,માગણીઓ  થાય છે.

કાક   બોલે   કોકિલાના  કંઠમાં  કામણ   નથી,
રોજ  કા  કા   સાંભળીને , એ   મધુરું  ગાય  છે.

પાંદડાં   હસતા   રહે ,  સુણી  નકામી  વાતને,
વાયરો પણ  આ  સભામાં,નાચતો  દેખાય છે.

વાનરો  તો  ચૂપ છે ને , સાંભળે છે     શોરને ,
એમને  આ વાદમાં ,તો આરક્ષણ  દેખાય  છે.

ભાગલા  પાડી  કુહાડી  બોલતી'તી   દાઢમાં,
આ  જગા ડી પી  મુજબ તો,કાપમાંહે જાય છે.
                               ***
-'કાન્ત'