તારકજી  !

અમને  હવે  કોણ  હસાવશે  તારકજી  ?
ટપુ  સેનાને  કોણ  નચાવશે તારકજી ?

હાસ્ય   વિવેચકો,  નવરા  થઈ  ગયા,
ઊંધા ચશ્મા કોણ પહેરાવશે તારકજી ?

જેઠાલાલ , રંજનદેવીની   છે  પાછળ,
બન્નેની આંખો કોણ લડાવશે તારકજી ?

માસ્તરની  વચલી   છે    ચિબાવલી,
ટપુડાને  કોણ  પરણાવશે    તારકજી ?

ચંપકલાલ કાકા તો  છે  અળવીતરા,
'મ્હેતુસ'  કોણ   બોલાવશે   તારકજી ?

 પોપુ  પોપટલાલ - રસિક સટોડિયો,
 આ જોડીઓ કોણ બનાવશે તારકજી ?

પાંચ  દાયકાની  મારી  વાચનયાત્રા,
સુવર્ણજ્યંતી કોણ મનાવશે તારકજી ?
                       ***
-'કાન્ત'