ગઝલ
સોનેરી કિરણો પ્રવેશે ઘરમાં,
તમારાં ચરણ પ્રવેશે ઘરમાં !
વાવું છોડ તુલસી કુંડામાં હું ને,
શ્રી કૃષ્ણ શરણમ પ્રવેશે ઘરમાં !
સપનું નિરંતર એક જ આવે છે,
સોનાનું હરણ પ્રવેશે ઘરમાં !
કોણ લઈ જાય મને એની કાંધે ?
ચૂપચાપ મરણ પ્રવેશે ઘરમાં !
લાંઘા પડ્યા છે કેટલા દિવસના,
ધીમેથી જમણ પ્રવેશે ઘરમાં !
કવચ -કુંડલ મેં માગી તો લીધા,
દાનેશ્વરી કરણ પ્રવેશે ઘરમાં !
કલકલ વહુ હું ઝરણાની માફક,
ઝમઝમના ઝરણ પ્રવેશે ઘરમાં !
***
-'કાન્ત'
No comments:
Post a Comment