ગુજરાત છે !
    (તરહી ગઝલ )

સ્વર્ગથીયે  રમ્ય એવું ,સ્થાન  આ ગુજરાત છે,
સ્નેહ  રૂપે  ભવ્ય  એવું ,સ્થાન આ ગુજરાત છે.

આજ  ગાજે   આભમાંયે , વીરતાનાં  વાદળાં ,
નામ સાથે નવ્ય એવું,  સ્થાન આ ગુજરાત છે,

ગીરનારે    સૂરતાનાં   તાર   એનાં   ઝણઝણે,
દ્વિજ  ડીલે સવ્ય  એવું, સ્થાન આ ગુજરાત છે.

સાહસીને    શૂર  છે   ને, આ ધરાના  માણસો,
સાદ  પાડે  દ્રવ્ય  એવું, સ્થાન આ ગુજરાત છે.

સાગરે  તો    બેસણાં  છે,  ખીમજીના  રોફના,
નીર આપે કવ્ય એવું ,સ્થાન આ ગુજરાત છે.
                            ***
-કૃષ્ણકાંત  ભાટિયા 'કાન્ત '