વાસંતી વાયરા !

સખીરી   વાસંતી   વાયરા   વાયા !,
મારી  છમ્મલીલી  થઈ  ગઈ કાયા ! 

ઝાકળભીની   પ્રકૃતિ  દીશે    સુંદર,
મારે  અંગ-અંગ પ્રિયતમ  સમાયા !

કોણે  પૂર્યા છે  આ  રંગ   ધરતીમાં ?
એ મારા નયણોમાં સાજન છવાયા !

ફાગણનો  ફાગ  અને ટહુકાનો સાદ,
એ જી   કેસુડાના  કામણ   પથરાયા !

વહેતા  પવનન  પકડીને  આંગળી,
કે    ઓલી  ફોરમના મુખ મલકાયા !

પુષ્પ  આલિંગીને   ગુંજારવ  કરતા,
કે  ઓલા મકરંદ  થઈ ગયા હરાયા !

એક -એક પાંદડીમાં પ્રગટ્યું જીવન,
કે ઓલા કામદેવ પોતે પણ ઘવાયા ! 
                        ***
-'કાન્ત'