ગઝલ 

કયા  રુદિયામાં  તડ પડી  છે મસ્તાની  રાણી  ?

કઈ ઈચ્છાની  આશ   જડી છે  મસ્તાની રાણી  ?

રાવ- બહાદુર -મહેલ -મિનારા -માણેક- મોતી ,

ઇશ્કની આ  અણમોલ  ઘડી છે મસ્તાની રાણી .

કોણ  હતું  એ તારાં   સ્વપ્નોને  ખંડિત કરનારું ?

રાજઘરાનાની  રસમ નડી  છે  મસ્તાની  રાણી .

તેં   ચાહ્યો  તો   દિલબરને અંતરના  અજવાળે,

મેડી   પર  તો   રાત  દડી  છે   મસ્તાની  રાણી .

ઈતિહાસ    ગવાહ    છે  બાજીરાવ    મરાઠાનો,

જોડેલી એ  તવારીખ   કડી  છે મસ્તાની  રાણી .

તારી  જિંદગી એ પડઘો  છે અતૃપ્ત  ચાહતનો,
'કાન્ત' ની  પણ   આંખ  રડી છે મસ્તાની રાણી .
----------------------------------------------------
-'કાન્ત'
----------------------------------------------------