ગઝલ 

આપણામાં  આધાર   જેવું   શું  હતું  ?
ઉંબરા  પર  પડકાર  જેવું   શું  હતું ?

આવીને  બારણે   કોણ   વળી ગયું ?
એના  હાથમાં વહેવાર જેવું શું હતું ? 

ઘરથી નીકળીને પાદર સુધી ગયો,
પગલાંમાં  વિસ્તાર  જેવું   શું  હતું ?

આ  સૂર્યનું   ઊગવું  ને   આથમવું,
sun set માં  ચમત્કાર જેવું  શું હતું ?

પ્રશંસા હતી કે હતી  આત્મવંચના ?
જાહેરમાં આ  સ્વીકાર જેવું શું  હતું ?

જેમની   વાણીથી   હું થયો  ઘાયલ,
પ્રવચનમાં  પ્રચાર   જેવું   શું  હતું ?

મારી   તરસ ,રણ   છિપાવી    શકે,
નમકમાં   જળસંચાર  જેવું શું  હતું ?
                      ***
-'કાન્ત'