એકલો  જા ને !

અમે કોઈ  નહીં  આવીએ  સત્યને દેવા સાથ !
અધર્મ  સામે  લડવા  એકલો    જા  તું  બાપ  !

મીઠી   ઊંઘમાં    સૂતેલી   પ્રજા  નહીં   જાગે,
એને    અહીં   કરવા  જેવું   કશું   નહીં  લાગે.

મા  આશાપુરા  તને  શક્તિ  દઈ   દે અમાપ !
અધર્મ  સામે લડવા એકલો   જા  તું    બાપ !

ઈતિહાસ  સાક્ષી  છે  છેલ્લાં  કેટલાંક વર્ષોનો,
મૂલ્ય ચુકવ્યું છે  આ નગરે, કંઠની  તરશોનો.

તારી    જવાબદારીઓને   જાતે   તું    માપ !
અધર્મ  સામે  લડવા  એકલો  જા  તું   બાપ !

ભુજ  જીવે ,મરે .સડે કે આંખલાઓ એને  નડે,
નપુસંક   થઈ  ગયેલાઓને   શો   ફરક  પડે ?

છોડી જા 'કાન્ત'ના મનમાં એક અમીટ છાપ !
અધર્મ  સામે  લડવા   એકલો  જા   તું  બાપ !
                              ***
-'કાન્ત'