અષાઢી બીજ...!

આજ  વરસાદ  વરણાગી  લાગતો,
        આજ મેઘે  મઢેલી  રાત સારી;
આવી રૂમઝૂમ કરતી ઝૂમતી આવી ,
         આવી અષાઢી બીજ   અમારી !

વગડામાં  કારાયલ  કેકારવ  કરતો,
         કળાયેલ   રૂપે  મોજથી ફરતો; 
આજ   જગન્નાથની   નીકળે  સવારી,
          આવી  અષાઢી બીજ અમારી !

મીઠી  સોડમ પસરાવતી આ ધરતી,
           ને  'મીં'ની આજુબાજુ ફરતી;
કરી લીધી એણે પરણવાની તૈયારી,
           આવી અષાઢી બીજ અમારી !

 દાદુર   હોંશભેર  રાગ   માઢ  ગાયે,
             વાદળ ને વીજ હૈયે સમાય;
 મારા  નેણમાં  ઊગી નીકળી ક્યારી,
             આવી અષાઢીબીજ અમારી !

કચ્છીઓના  મનમાં   અષાઢ મ્હાલે,
              ઘૂમરી  લે  એ   હીંચ તાલે ;
'કાન્ત' ચિતવન લાગે પ્યારી-પ્યારી.
            આવી અષાઢી બીજ અમારી !
                          ***
-'કાન્ત'