ગઝલ 

હું   મારાં   સ્વપ્ન   સજાવું   ગઝલમાં,
શબ્દોને    લાડ     લડાવું     ગઝલમાં.

ટહુકાની  માવજત  કોણ  કરશે  ભલા ?
કોયલને    રોજ   ગવડાવું   ગઝલમાં.

મોરનો   કેકારવ   સં ભળાય  સીમમાં,
ભર ચોમાસે   એને નચાવું   ગઝલમાં.

એ જ છે  લિજ્જત ને  એ જ  છે મસ્તી,
હોઠ પર,  ચુંબન   મુકાવું     ગઝલમાં. 

હતા    મુજપર   ફિદા   થનારા  ઘણા,
સમયને  મસ્તક   નમાવું    ગઝલમાં.

મારી   આંખથી  આંખ   મિલાવી  જો,
કેવા કાતિલ તીર ચલાવું   ગઝલમાં.

મને   દુનિયાનો   અનુભવ  ન   પૂછો,
નવી    દુનિયા    વસાવું     ગઝલમાં.
                       ***
-'કાન્ત'



.