ગઝલ 

સોય  અને  લોચનની વચ્ચે અધિકાર કોનો ?
ભલે  સપનામાં તો સપનામાં સ્વીકાર કોનો ?

ત્રાજવું  લઈ  આ સમય   ભલભલાને  માપે,
છાતીમાં ઘુમરાતી ક્ષણો પર  આધાર  કોનો ?

હવે    ઈશ્વર   પણ  મળવા  આવ્યો   બારણે,
તો    રોજ  સવારે  પજવતો  પડકાર  કોનો ?

કયાં   છે  એ    રાજવટ  ને  કયાં છે  ખુમારી ?
હવામાં   વહેતો   નૈતિકતાનો  પ્રચાર  કોનો ?

નદીઓને  સાગર   આવી   ગયા  કબજામાં ,
લપાઈને  બેઠેલી   લીલનો  વિસ્તાર  કોનો ?

પાનખરમાં  પાન   ખરતા  રહે   કુદરતના,
વસંતમાં બધું લીલું  છમ્મ ,ચમત્કાર કોનો ? 
                           ***
-'કાન્ત'