વૈશાખ  !

ચૈત્રની  લૂ  દઝાડે  છે અમને,
આપીશ નહીં હવે બળબળતો  વૈશાખ !
જીવન દીધું તો દેજે  જીવવાની આશ !

બારે માસ અમારા આભ નીચે બેસણાં,
જીવતરે  લઈ  લીધાં  છે  હવે રૂસણાં !
આપી  શકે  જો તો  આપી  દે વિશ્વાસ !
                                   0જીવન દીધું ...
ધોમ  ધખતું  બપોરું;  તડકે  પીગાળે,
ત્રાહિમામ  પોકારી  ગયા આ  ઉનાળે !
ભરી  દે  અમારામાં  પરમનો  પ્રકાશ !
                                   0જીવન દીધું...
ખુલ્લાં-ખાલીખમ્મ   ખેતર   અચેતન,
ચાડિયાના  માથે   ફરકે     છે   કેતન !
ભેંકાર આ  ભોમકામાં   શ્વસજે તું શ્વાસ !
                                   0જીવન દીધું ...
ઊંચે આભ-ધરતીમાં નથી રહ્યું પાણી,
પાણીની સરવાણી કયાં જઈ  છુપાણી ?
'કાન્ત'ના   કૂબામાં  હવે કરજે તું વાસ !
                                   0જીવન દીધું...
                          ***
-'કાન્ત'