ગઝલ 

ઝાકળની  ભીનાશ  યાદ  છે તને ?
કુદરતનો  સહવાસ યાદ છે તને ?

સાંજ   ઢળતાં  ગોધૂલિનું   ઊડવું ,
દીવડાનો અજવાશ યાદ છે તને ?

તારા  સુધી   ક્યારેક  ન   પહોંચું,
વિરહની   કડવાશ યાદ  છે તને ?

ઘડી  બે ઘડીમાં  છૂટા પડી ગયા,
સાથે કરેલો પ્રવાસ યાદ છે તને ?

મધુ   બની હવામાં  છલકાય  જે,
એ  હોઠોની મીઠાશ યાદ છે તને ?

હું નદીને સ્પર્શું ,એ સાગરને મળે,
સ્પર્શનો  એ પ્રયાસ યાદ છે તને ?

ગઝલને  પૂછજે  મારું  સરનામું, 
'કાન્ત' નો  વિશ્વાસ યાદ છે તને ?
                    ***
-'કાન્ત'