સવાર !

વહેલી સવારનો સૂર્ય 
મારા માટે લાવે છે વિચાર.
હું ઊભું છું નત મસ્તકે એની સામે,
અને ખોલી દઉં છું પ્રજ્ઞાના દ્વાર !
કોઈક પ્રવેશે છે મમ અંતરમાં,
હું ઓગળી જાઉં છું નિરંતરમાં !
સંચાર થાય છે અવિનાશીનો,
નિર્મલ,ઉજ્જવલ, નિવાસીનો !
ગિરિવર શિખરો ઊભાં છે મૌન,
આ ખીણ ને રચતું કોણ ?
ખળ ખળ વહેતી સરિતાનો શોર,
મંદ-મંદ વહેતો પવન ચિત્તચોર !
હું ધીમે પગલે ચાલું છું,
અને મારા મોઢામાંથી શબ્દો સરી પડે છે,
ઓમ સૂર્યાય નમ:,ઓમ સૂર્યાય નમ: !
                       ***
-'કાન્ત'