'હું'
છે કોઈ જે મને પૂરે પૂરો ભરે, ?
અધૂરો છું છતાં 'હું' મુજમાં ફરે !
'હું ' અચાનક વિસ્તરી જાય ને ,
ગર્વ ફૂંફાડો મારી ભીતરે તરે !
બીજું તો શું કરું એકલો આ 'હું' ,
મારા સઘળા સદગુણો ને હરે !
અર્પણ કરું જયારે મારી જાત ને ,
ચૂપચાપ લાગણીઓમાં 'હું' સરે !
શ્વાસનો એક એક લય સંભળાય ,
ઉચ્છવાસમાં અંગાર થઈ 'હું' ચરે !
કોઈ ઉંબર પર ચરણ મૂકું અને ,
'હું' મારાથી આગળ જ ફરફરે !
કોઈ સંબંધ સાથે રમત રમું ને ,
'કાન્ત' આ 'હું' આંખ સામે તરવરે !
***
-'કાન્ત'
No comments:
Post a Comment