ગીત
મારા દલડામાં કૈંક કૈંક થાતું
વાદળીમાં રંગની છે ભાતું !
સરવર છલકે મારા પ્રેમનો,
જોટો ન જડે તારા સ્નેહનો !
મંદ મંદ લહેરે કોણ વાતું,
મારા દલડામાં કૈંક કૈંક થાતું !
પાંખમાં આભ આંખમાં તું છે,
હૈયામાં થતું આ બધું શું છે ?
મને એકલો મેલી કોણ જાતું,
મારા દલડામાં કૈંક કૈંક થાતું !
ચાનક રાખું તોયે હું ભૂલું,
વગડાના શ્વાસમાં જ હું ખૂલું !
ગીત કોઈ મુજ સંગ ગાતું,
મારા દલડામાં કૈક કૈંક થાતું !
દીવો પ્રગટ્યો મનના ગોખે,
બાઈજી મારા હોંશથી પોંખે !
હવે જીરવાતી નથી આ રાતું,
મારા દલડામાં કૈંક કૈંક થાતું !
***
-'કાન્ત'
No comments:
Post a Comment