'હું'
કોઈ છે જે મને પૂરેપૂરો ભરે ,
છું અધૂરો છતાં 'હું' મુજમાં ફરે !
અચાનક 'હું 'વિસ્તરી જાય ને,
ગર્વ ફૂંફાડો મારી ભીતરે તરે !
કરું તો શું કરું, એકલો આ હું,
સઘળા સદગુણોને મારા એ હરે !
અર્પણ કરું જયારે મારી જાતને,
લાગણીઓમાં 'હું'ચુપચાપ સરે !
એક લય સંભળાય શ્વાસનો ને,
અંગાર થઈ તરત 'હું' ચરચરે !
કોઈ ઉંબર પર ચરણ મૂકું અને,
મારાથી આગળ જ 'હું' ફરફરે !
રમત રમું જયારે સંબંધો સાથે,
આંખ સામે 'કાન્ત' 'હું' તરવરે !
***
-'કાન્ત'
No comments:
Post a Comment