ગઝલ !
તું આવ તો વિશ્વાસ થઈ જશે,
નહિતર ,પૂનમની અમાસ થઇ જશે !
દિલમાં વસવા પરવાનગી કેવી,
આપોઆપ એમાં નિવાસ થઈ જશે !
મૃગજળની પાછળ સતત દોડું છું ,
એ પકડાય તો સહવાસ થઈ જશે !
અંતે જામ અશ્રુનું પીવાનું ભાગ્યમાં ,
મોડો પડું તો એ ખલાસ થઈ જશે !
દુનિયા પૂછે છે પ્રશ્ન શો જવાબ આપું ?
સનમ તારો ખરેખર પાસ થઈ જશે !
અલ્પ સમજણની છે મારી ગઝલ ,
તરન્નુમમાં ગાઉં કૈલાસ થઈ જશે !
પોતાનુજ બિંબ મળે છે આયનામાં,
જોતાં આવડે તો અજવાશ થઈ જશે !
***
-'કાન્ત'
No comments:
Post a Comment