ગઝલ 

મારી ગઝલમાં  જીવન  લખું  છું ,

રણમાં વસું ને ઉપવન  લખું  છું  !

આંખો  સૂકાઈ ને   નિર્જળ  બની ,

ઝુરાપામાં   હું  સાવન  લખું  છું !

નિરંતર ચાલે  છે મારો  બુઢાપો ,

પગલાં પડે ને બચપન  લખું છું !

ઊડે છે કાબર ને  ઉડે છે  ચકલાં ,

મને જે ગમે મનભાવન લખું  છું !

ખેતરમાં ઉભેલો  ચાડીઓ  છું  હું ,

પક્ષીની આવન જાવન લખું  છું !

નાસ્તિક  છું  હું અહીં  સાચેસાચો,

ખબર  નહીં કેમ  કવન  લખું  છું  !

મઢુલી છે મારી બારણાં વગરની,

તોયે ગમન ને આગમન લખું છું  !

                     ***

-'કાન્ત'