ગીત
ફૂલોની આંખોમાં જીવન વરસે ,
અંતરમાં રંગો મનભાવન સરસે.
નયનોમાં મારા મુજ ગીતો છલકે !
જાદુ છે જાદુ સવાર કેવી મલકે ,
ઝાકળ પણ બિરાજે પર્ણને પલકે.
સાત કિરણ સૂરજના કેવાં હરખે !
મનનું પક્ષી પાંખ ફેલાવી ફરકે,
કબૂતરોનું ઘૂ ઘૂ ઘૂ ધીમેથી સરકે.
મૃગજળ લાધે ભરબપોરે તડકે !
તાપના પ્રતાપે જીવ બળે છે ભડકે ,
મજૂરનો પરસેવો વેરાય છે સડકે.
ચામડી એની સોના માફક ચળકે !
માણસ જીવે જીવતર કટકે -કટકે,
સંબંધોની શેરીઓમાં નાહક ભટકે.
યાત્રા આ નિરંતર ચાલે, ન અટકે !
***
-'કાન્ત'
No comments:
Post a Comment