ગઝલ !
બુદ્ધિ બળ વીરતાના દાતા છે હનુમાનજી,
ભક્તની દીનતાના જ્ઞાતા છે હનુમાનજી !
નર્તન પરંપરાના બજરંગી અધિષ્ઠાતા ,
લંકદહન રાગના સુજાતા છે હનુમાનજી !
માંહ્યલી લંકા ભળભળ બળે છે આપણી ,
એ પીડાને હરનારી શાતા છે હનુમાનજી !
પૃથ્વી નહીં એ બ્રહ્માંડમાં પણ વિચરતા ,
હવે તો પશ્ચિમના જામાતા છે હનુમાનજી !
લોકગાયક લોકનાયક લોકવાયક મારુતિ,
વિધિના ઉદ્ધારક વિધાતા છે હનુમાનજી !
***
-'કાન્ત'
No comments:
Post a Comment