ગઝલ
જિંદગી પગ ભર મળે તો પણ ઘણું,
ને મોત જો સદ્ધર મળે તો પણ ઘણું !
છે તમન્ના દિલ મહીં વરસાદની,
ઓસની ફરફર મળે તો પણ ઘણું !
બંધનો છો રહ્યાં મારા અધર પર,
હોઠ પર સરવર મળે તો પણ ઘણું !
હું તો ભિક્ષાપાત્ર લઇ બેઠો છું બજારે,
પાવલી તારી સળવળે તો પણ ઘણું !
મકબરો રહ્યો ભલે આરસપ્હાણનો ,
ધૂપ થઈ તું અહીં બળે તો પણ ઘણું !
હું ફરું કે પછી આજ મારો દિવસ ફરે,
યાદ કોઈ ભીતરે ફળે તો પણ ઘણું !
મને મારો જ પરિચય કશો ક્યાં છે ,
'કાન્ત' આજે ટળવળે તો પણ ઘણું !
***
-'કાન્ત'
No comments:
Post a Comment