ગઝલ 

કયાં  એકધારી સવારી રહે  છે ,
પગે ચાલવાની તૈયારી રહે છે !

આંખો તો નિર્દોષ દેખાય મારી,
મન જ  ખરેખર શિકારી રહે  છે !

શબ્દોમાં દોડે   કવિતા રૂમઝૂમ ,
કલમ જ હંમેશાં બિચારી રહે છે !

જિંદગીનો સાથ મળે છે બધાંને ,
અપેક્ષાઓ  સદા કુંવારી રહે  છે !

ઝેરનો કટોરો પીધો 'તો મીરાંએ ,
કૃષ્ણની સમીપે મહિયારી રહે છે !

લાગી સો-સો ની આપણી વચ્ચે,
કયાંક  છુપાઈને  જુગારી રહે છે !

સતત માગવાની આદત પડી છે,
'કાન્ત'  ભીતરે  ભિખારી  રહે   છે !
                   ***
-'કાન્ત'