ગઝલ
સ્વપ્નોનાં દર્પણ તૂટે છે સાહ્યબા,
અહીં , પોતાના લૂંટે છે સાહ્યબા !
બંધ બારણે હલચલ છે શ્વાસની,
અંતિમ સમયે એ ખૂટે છે સાહ્યબા !
આંખો મીંચીને ઊંઘી લઉં રોજ રાતે,
અચાનક કોઈ મને ઘૂંટે છે સાહ્યબા !
મેઘલી મધરાતે વર્ષાનું આગમન,
ભીતરે કૂંપળ ફૂટે છે સાહ્યબા !
ભીતરે કૂંપળ ફૂટે છે સાહ્યબા !
સંબંધના અર્થને ઉકેલું કઈ રીતે,
જિંદગી પણ આજ રૂઠે છે સાહ્યબા !
શૂન્યતાની પળમાં ગઝલ જન્મ લે,
રદીફ ને કાફિયા છૂટે છે સાહ્યબા !
શહેરના જૂના કૂવા ખાલી પડ્યા છે,
ભાગ્ય મારા હવે ફૂટે છે સાહ્યબા !
***
-'કાન્ત'
No comments:
Post a Comment