ગઝલ
પ્રેમનો સ્વીકાર લઈ આવો હવે,
મીઠી કો તકરાર લઈ આવો હવે !
શંખમાં ઘૂઘવાટ દરિયાનો હશે,
તરફડાટ આ પાર લઈ આવો હવે !
રાતનો અવતાર નોખો હોય છે,
ભીતરી પોકાર લઈ આવો હવે !
મિલન નો મરમ શેં પૂછો છો મને,
વિરહનો પડકાર લઈ આવો હવે !
મજનૂ હો કે લયલા હો શો ફરક ?
કોક પથ્થરમાર લઈ આવો હવે !
આ અમારી લાગણી બસ એટલી,
ગામ ઝાંપે સત્કાર લઈ આવો હવે !
કેટલું તોફાન , આજે મઝધારમાં,
તોરલનો અવતાર લઈ આવો હવે !
***
-'કાન્ત'
No comments:
Post a Comment