ગીત 

હરિ મારે તમને કેમ લખવી કંકોતરી ?

દશા ચાલે છે મને શનિની  અષ્ટોત્તરી !

હરિ,તમે છો ગ્રહ-નક્ષત્રના સ્વામી,

સીધી સાદી વાતને કેમ સમજું હું કામી ?

જીવન જન્મારામાં શ્વાસનું વસિયતનામું,

હું જ મરું ને હું જ જીવું,બીજું શું પામું ?

હરિ ,મારે તમને કેમ કરવા તેડા,

ઘણે  અહીં  રોજ  ભરાય  છે  મેળા !

તમે  આવશો જયારે  મુજ  આંગણ,

શું આપી શકીશ  હું ભવ ભવનો માગણ!

હરિ,માનવ મહેરામણનું કીડીયારું,

નથી કોઈ દેખાતું અવર માટે જીવનારું !

હરિ,મેં તો તમને વારંવાર છે વંદ્યા,

મારું વૈકુંઠ છે 'સાંધ્ય દીપ'ની સંધ્યા !

અશ્રુજલ સીંચી ઉગાડું શબ્દ લીલોતરી,

'કાન્ત'તમે આવશો  વગર કંકોતરીએ !

                         ***

-'કાન્ત'