ગઝલ
શબ્દના મરમને ઉકેલવા છે,
બધાં ધરમને ઉકેલવા છે !
હું ત્યાં જ હતો,ત્યાં જ છું,રહીશ,
કરેલાં કરમને ઉકેલવા છે !
ડૂબવાની છૂટ છે મઝધારમાં,
મારે તો પરમ ને ઉકેલવા છે !
જાણું છું , મને માફી નહીં મળે,
ગુનાહ બેશરમ ને ઉકેલવા છે !
કદાચ મનમાં મારગ હોઈ શકે,
ભીતરના ભરમને ઉકેલવા છે !
શી દશા સ્ત્રીની અંત:પુરમાં ?
બાદશાહોના હરમ ઉકેલવા છે !
તિમિર માંહે મળે છે અજવાળું,
બેવફા સનમને ઉકેલવા છે !
***
-'કાન્ત'
No comments:
Post a Comment