ગઝલ
તમારી જવાની, જવા ની ક્ષણોમાં,
સમયની રવાની જવા ની ક્ષણોમાં !
ઘડી આ મિલનની ટકોરા દિયે છે,
વિરહની કહાની જવા ની ક્ષણોમાં !
લખાવી નસીબે તમે બાદબાકી,
સફર આ સુહાની જવા ની ક્ષણોમાં !
વરસતા વરસમાં મળે એ હંમેશાં ,
ઋતુ એ દીવાની જવા ની ક્ષણોમાં !
ખફા છો સનમ તો શું કરવા ગહેકો ,
કથા આ પુરાની જવા ની ક્ષણોમાં !
અગર જો લખું હું છંદો ને કલામે,
કરેલી કમાણી જવા ની ક્ષણોમાં !
***
-'કાન્ત'
No comments:
Post a Comment