ગઝલ
યાદની વણઝાર છે વરસાદમાં,
વિરહ સાંબેલાધાર છે વરસાદમાં !
યક્ષ સંદેશો મોકલે પ્રિયતમાને,
મેઘદૂતનો પોકાર છે વરસાદમાં !
વાદળાંની ગર્જના કહે ભીંજાઈ જા ,
મોસમનો બેડો પાર છે વરસાદમાં !
ફેંકી દે સંયમનું મિથ્યા આવરણ ,
અવનવા વિસ્તાર છે વરસાદમાં !
ભીતરે કારાયલ કેકારવ કરે છે,
કોયલનો સ્વીકાર છે વરસાદમાં !
હોઠ પણ ભીના થઈ માદક થયા,
સ્પર્શ ભારોભાર છે વરસાદમાં !
'કાન્ત' હારી શકે છે ઈશ્કની બાઝી,
તું પલળવા તૈયાર છે વરસાદમાં?
***
-'કાન્ત'
No comments:
Post a Comment