કાયા !

કાચી  રે  માટીની   કાયા, અમર  ના રહેશે,
આતમને  ઓળખી લે ,તને એ સાચું કહેશે.

કાળની  તે    કેડીએ,   જમદૂત   ઊભાં   છે,
તારાં કરેલાં કરમના  લેખાં જોખાં   લેશે રે.

તારી આ  રૂપાળી  કાયા ,ભળભળ  બળશે,
સાથ તારો મસાણ સુધી ,સગાંવહાલાં દેશે.

કાયાના  કૂડા  રે ભરોસા,કરજે ના કોઈ દિ '
રૂપ  ને  યૌવન  તારું,તું ઘડપણમાં   ખોશે.

'કાન્ત 'કહે  ચેતી  જા, માંહ્યલાને  ઓળખ, 
આંખ  નહીં  તેદી  તારું  રૂદિયુંએ   રોશે રે.
                             ***
-કૃષ્ણકાંત ભાટિયા 'કાન્ત '
'સત્યમવિલા ',પ્લોટ નં.155/2,
સંસ્કારનગર ,ભુજ-કચ્છ. 
મો.99090 71588