તિમિર 
(ગીત)

તિમિરની  સરહદને   મારે    ઓળંગવી,
              અંધકાર    તિમિરનો   ભેદવો.
ચાંદાની    ચાંદનીનું    મારે    શું   કામ ?
             તિમિરને વચ્ચો વચ્ચ  છેદવો .

સૂરજ  આથમે , તિમિરમાં તમરાં  બોલે,
              થઈ   જાય   રાત   રાજી રાજી.
તિમિર  કહે મારે બનવું  નથી  હવે કાજી.
              અંતરની   ઈચ્છાને   ઝબોળી,
તિમિરની   સંગ    મારે    ખેલ   ખેલવો .
                                        0તિમિરની 
ભીતર    ભર્યો    છે    અખંડ   ઉજાગરો,
             પાંપણનો   ભાર  પણ   લાગે,
જરીક    પ્રકાશને   જોઈ, તિમિર  ભાગે.
            એના  શ્યામ  રંગને  ઓગાળી,
કાળો-કલૂટો   રંગ  હવે    મારે છોડવો.
                                       0તિમિરની 
કેટલે દૂર ?   કેટલે     દૂર   હવે   જાવું ? 
         મારગ  તો સાથ  દે  છે  દોડીને,
આમેય  જાવું  ક્યાં  તિમિરને  છોડીને ?
         જાગતા     તિમિરને      ઢંઢોળી,
અંતરના મારગને 'કાન્ત ' છે ખોલવો .
                       ***
-કૃષ્ણકાંત ભાટિયા 'કાન્ત '
'સત્યમવિલા',પ્લોટ નં.155/2,
સંસ્કારનગર,ભુજ-કચ્છ.
મો. 99090  71588