ગીત 

જેઠનો  વરસાદ આ મારે છે આંખ મને,
                    એના સંગાથે હું ગાંડીતૂર !
રૂપ મારે જોવાં છે   મેહુલાનાં મનભરી,
                    વરસસે ઓણ એ ભરપૂર !
મોસમનું   પહેલું  ચોમાસું  ઝીલું  હું  ને, 
                    તન-મન    છે     ચકચૂર !  
વાયે છે  વાયરાની  પ્રાણભરી લ્હેરી ને, 
                    નજરું  જુએ  છે    દૂર-દૂર !
ગાગર  છલકે  છે  પનઘટ પર  રોજ ને,
                    સાહ્યબાના   પ્રેમના  પૂર !
અમથું અમથું હું અટકું ને લટકું,બટકું ને,
                    સપનામાં  આવે     અક્રૂર !
પાવાનો  સાદ  સાજન  હોઠેથી વહેતો ને,
                     મીઠાં   લાગે   એના   સૂર !
કોયલ    ટહુકે    છે    આંબાવાડીયે    ને,
                      પંખીઓ  કરે     કલશોર !
પાદરે    અટકે     છે    ચરણો   મારાં  ને,
                      પગરવનો થાય છે શોર !
બાઈજી  મારા    મરક  મરક   મલકે  ને,
                      નણદલની આંખમાં મોર!
જેઠનો   વરસાદ   આ મારે છે આંખ મને,
                       એના સંગાથે હું ગાંડીતૂર !
                            ***
-'કાન્ત'