વરસાદ
ઝરમર નહિ મુશળધાર આવ તું વરસાદ,
સાથે ખુશીઓની બારાત લાવ તું વરસાદ !
જાજમ-જામ અને જલસો ત્રણે થાય ભેગા,
દોડીને પાર કર પહેલો પડાવ તું વરસાદ !
આકાશમાંથી ઊતરી પૃથ્વી પર વહ્યા કર,
ભગીરથના દર્શન કરાવ તું વરસાદ !
તરસ-વરસ-સરસ રોમેરોમ જાગે શું કરું?
મુજને તારા શ્વાસમાં વરસાવ તું વરસાદ !
સમંદર પણ એની લહેરોને રોકી રાખે,
ઓરતાં પલાળીને બતાવ તું વરસાદ !
પડી ગઈ છે કરચલીઓ મા નાં ચહેરા પર,
યૌવનના નવા ઉમંગો લહેરાવ તું વરસાદ !
છલકાવી દે હમીરસરને તું હવે વરસીને,
આષાઢધારે નિરાશાને હરાવ તું વરસાદ !
***
-'કાન્ત'
No comments:
Post a Comment