ગીત
ઢળી સાંજની આ વેળા,
રજની કેમ થયાનાં ભેળા !
ઊજળો ઊજળો દિન ઢળ્યો ,
હવે ઢળશે આ કાળી રાત !
આંખથી મારા આંસુ ઝરશે,
હશે મારું રૂદન હૈયા ફાટ !
આનંદ આનંદ ગાતાં ગાતાં ,
મારા શબ્દો દોડે ક-વેળા !
ગીતોના વન ભડકે બળતાં ,
સૂરો નીકળે આડાં -ટેડાં !
કાળની સૂની કેડીએ સૂતા,
તમને કેમ કરીયે તેડાં !
પ્રેમ અમીરસ પીતાં -પીતાં ,
શાને થયાં આ વિછોડા !
શ્વાસે મારા મઘમઘ મ્હેકો ,
તમે સુરભિનો શણગાર !
રજની અમને છોડીને,
'કાન્ત' કેમ ગયા પેલે પાર !
આથમતો સૂરજ પણ સૂનો,
હવે ભરાશે નહીં અહીં મેળા !
***
-'કાન્ત'
No comments:
Post a Comment