ગીત
સખી દલડામાં કૈંક કૈંક થાતું,
હો મારું જોબનિયું છલકાતું !
ચોમેર ઊગી મ્હેકની વાડિયું,
ધરાએપહેરી રંગીન સાડિયું !
પતંગિયું થયું છે મદમાતું ,
હો મારું જોબનિયું છલકાતું !
આંખ બિચારી ભૂલી જોવાનું,
બચ્યું નથી હવે કંઈ ખોવાનું !
મારું સોણલું પણ વળ ખાતું ,
હો મારું જોબનિયું શરમાતું !
પૂનમનો ચંદ્ર ખીલ્યો તળાવે,
તારલિયાઓ એને વળાવે !
અંતરમન 'કાન્ત'નું હરખાતું !
હો મારું જોબનિયું શરમાતું !
***
-'કાન્ત'
No comments:
Post a Comment